Ұжымдық шарт

"Қазақтүрікмұнай" ЖШС 2018-2020 жылдарға арналған Ұжымдық шарты.

Әлеуметтік жауапкершілік ҚТМ дамуының стратегиялық бағытының бірі болып табылады. Ерекше назар әлеуметтік-еңбек қатынастарына, еңбекті қорғау және қауіпсіздік техника мәселелеріне аударылады.

ҚТМ өз қаражыты есебінен ұсынылған тамақтану нормаларына сәйкес кен орындарында жұмыскерлердің тамақтануын ұйымдастырады.

ҚТМ есебінен жұмыскерлерді жинау пунктінен кен орнына дейін және кері қарай жеткізуді қамтамасыз етеді.

ҚТМ барлық қызметкерлері мамандыққа орай арнайы киіммен, арнайы аяқ киіммен және басқа жеке қорғаныс құралдарымен, жуу және дезинфекциялау құралдарымен қамтылған.

ҚТМ кен орындарында жұмыскерлер үшін барлық тұрғын үй-тұрмыстық жағдайларымен вахта ауылдары бар.

2015 жылы«Қазақтүрікмұнай» ЖШС қызметкерлеріне әлеуметтік қолдау көрсету ережесі» бекітілді.

Осыған орай компанияда әлеуметтік пакет айтарлықтай ұлғайды.

ҚТМ 2015 жылдан бастап жұмыскерлердің балаларына Қазақстан Республикасының аумағында сауықтыру лагерьлерінде 7-14 жас аралығында жолдама құны40 АЕКаспайтын демалыспен қамтиды. Бір балаға ҚТМ бюджет қаражатынан сомасы 40 АЕК мөлшерінде біржолғы төлем жүргізіледі.

Қызметкерге бала тууына, баланы асырап алуға орай үш күнтізбелік күнге төленетін демалыс ұсынылады және бір балаға 60 АЕК мөлшерінде біржолғы материалдық көмек төленеді.

Қызметкерге отбасы мүшелері қайтыс болуына орай үш күнтізбелік күнге төленетін демалыс ұсынылады және 100 АЕК мөлшерінде біржолғы жәрдемақы төленеді.

Қызметкерге неке қиюына орай бес күнтізбелік күнге төленетін демалыс ұсынылады және сомасы 30 АЕК мөлшерінде біржолғы материалдық көмек төленеді.

Қызметкерге жүктілігі және бала тууына орай демалыс ұсынылады, жаңа туған баланы (балаларды) асырап алған қызметкерлерге демалыс орташа еңбекақысы сақталып, міндетті әлеуметтік сақтандыру туралы Қазақстан Республикасының заңнамасына сәйкес іске асырылған жүктілігі және бала тууына, жаңа туған баланы (балаларды) асырап алуға орай кірістен айырылған жағдайда әлеуметтік сома шегеріліп төленеді.

Алғашқы рет 2015 жылдан бастап ҚТМ бала бір жарым жасқа жеткенше бала күтімі бойынша демалыстағы қызметкерлерге 20 АЕК мөлшерінде ай сайынғы төлем жүргізеді.

Өндірісте жазатайым оқиға, кәсіптік ауру, мүгедектік белгілеу салдарынан қызметкермен өзінің өтініші негізінде еңбек шарты бұзылғанда, қызметкерге үш лауазымдық айлықақы мөлшерінде біржолғы өтемақы төленеді.

Қызметкер қайтыс болған жағдайда ҚТМ отбасы мүшелерінің біреуінің, егер ондайлар болмағанда, жерлеуді өзіне алған тұлғаның өтініші негізінде 100 АЕК мөлшерінде біржолғы төлемді іске асырады.

Өндірісте жазатайым оқиға салдарынан қайтыс болған қызметкердің отбасына ҚТМ қызметкерін өлімге әкеп соқтырған өндірістегі жазатайым оқиға туралы акті немесе қорытынды негізінде 300 АЕК мөлшерінде біржолғы төлем жүргізіледі.

ҚТМ қызметкерлердің балаларын до 14 жасқа дейін (қосқанда) жаңажылдық сыйлықтармен қамтиды.

Мүгедектер күніне – мүгедек-жұмыскерге және/немесе мүгедек балалары бар қызметкерлерге компания жоғары аталған тұлғаларға 60 АЕК мөлшерінде біржолғы төлем жүргізеді.

Компания науқас болу жағдайына қызметкерлерді және олардың отбасын еркін медициналық сақтандыру шартына қол қойды, 2016 жылғы 01 шілде 2017 жылғы 30 маусым кезеңінде шарттарға сәйкес медициналық карточка бойынша қызметкер және оның отбасы мүшелері үздік өңірлік клиникаларда медициналық қызмет, стоматологиялық қызмет, тұмауға қарсы маусымдық вакцинация, дәрі-дәрмек алады, сондай-ақ қызметкерлер міндетті жыл сайынғы медициналық тексерістен өтті.

2016-2017 жылдарға арналған«Қазақтүрікмұнай» ЖШС Жұмыс берушісі және Жұмыскерлері арасында қол қойылған Ұжымдық шарттың талаптары бойынша келесі төлемдер іске асырылады:

-қызметкерлердің барлық категориясына кезекті төленетін еңбек демалысқа шыққанда, компания қосымша бір айлықақы мөлшерінде материалдық көмек төленді;

-«Наурыз мейрамы» және «Мұнайгаз кешені қызметкерлері күні» мейрамдарына қызметкерлерге 50 АЕК мөлшерінде сыйақы төленді.

Сонымен бірге, Қазақстан Республикасының нормативтік құқықтық актілерімен 2016 жылға анықталған инфляция деңгейін ескере отырып, ҚТМ өндірістік персоналдың еңбекақы төлемін 7%-ға ұлғайтып индекстеді.