ЭКОЛОГИЯЛЫҚ АКЦИЯ
«Қазақтүрікмұнай» ЖШС өкілдері 2023 жылдың 21 қазанында өткен «Жаңа Қазақстан. Таза табиғат» республикалық экологиялық акциясына қатыты. Акция аясында Ақтөбе қаласындағы «Триатлон» саябағы аумағында 83 бірлік қылқанжапырақты ағаш отырғызылды.
Бұл шараға сондай-ақ облыс басшысы, қоғам белсенділері, жастар, депутаттар мен мемлекеттік қызметшілер қатысты. Акцияның мақсаты – елімізде экологиялық ахуалды жақсарту үшін халықты біріктіру. Отырғызылған көшеттер Мәртөк ауданындағы питомник пен жеке орман шаруашылықтарынан жеткізілді.
