«Қазақтүрікмұнай» ЖШС ұжымы «Таза Қазақстан» экологиялық акциясы аясында кезекті сенбілікке белсене қатысты.
Компания қызметкерлері Ақтөбе қаласы Астана ауданы әкімдігі тарапынан белгіленген Тургенев көшесі бойындағы аумақта тазалық жұмыстарын жүргізіп, қыс бойы жиналған қоқыстарды тазартты.
Табиғатты аялау мен қоршаған ортаның тазалығына үлес қосу – әр азаматтың ортақ міндеті. Осындай игі бастама арқылы ұжым қала тазалығына өз үлесін қосып, экологиялық мәдениетті нығайтуға атсалысты.
